نصائح هامه لاختيار اثاث بيتك

 اهم النصائح لاختيار اثاث بيتك 

1️⃣تحديد المساحات

ده مش بس بيكون للصاله الغرف والارضيات ده كمان بيكون للسجاجيد والستاير علشان حجم العفش لازم يكون مناسب ومتناسق مع مع الديكور عشان كدا ركزو في النمط ده دلوقتي كويس 

لانها هتعرفنا ازاي ممكن نستفيد من المساحات علي قد ما نقدر لو شقتنا صغيره 

2️⃣استخدمي قطع الاثاث الصغيره او الاثاث المصنوع من الزجاج لو مساحه الاوضه صغيره  ع شان تدي وسع 

3️⃣اشتري قطع الاثاث متعدده الاستخدام زي الكنبه اللي ممكن نقلبها سرير مثلا او توسيعها علشان كذا حد يقدر يقعد في حاله لو جالك ضيوف ودي هتكون اضافه ممتازه للشقق

 الصغيره وبكدا هتستفيدي من المساحه الباقيه في انك تحطي قطعه اثاث تانيه انتي محتاجاها او حتي تسبيها فاضيه عشان تدي وسع للمكان

4️⃣الغرف الصغيره ممكن ميكونش فيها مكتب منفصل للمذاكره او الشغل وفي الحاله دي ناس كتير يتنقل المكتب لغرفه المعيشه وممكن يشيلوه لو جالهم ضيوف 

بس ليه التعب دا كله ما احنا ممكن نشتري طربيزه متعددة الاستخدامات 

يعني منها تقعدي عليها تشربي قهوتك انتي اصحابك ومنها تستخدميها للشغل وبكدا تبقي ضربتي  عصفروين  بحجر

نوع الديكور 

اختيارك لديكور شقتك بيعتمد علي حاجات كتير اولها المساحه 

يعني لو شقتك مساحتها كبيره من (150:300متر)

ممكن تستخدمي الديكور الكلاسيك لانه مش هيأثر او هيقلل من مساحه شقتك ب شكل كبير دا لان مساحه الشقه بالتأكيد واسعه 

ه غير ان العفش الكلاسيك بيتميز بقوته ومتانتة وتتنوع اشكاله اللي بترضي كل الازواق 

لو شقتك مساحتها صغيره شويه 100 متر او اقل يفضل تستخدمي الديكور المودرن 

لانه بيجمع بين البساطه والاناقه وهيدي شكل اوسع لشقتك لان حجمه بيكون اصغر من العفش الكلاسيك ده غير انه مرن وسهل تنقليه من مكان للتاني وممكن تدمجيه مع كل الالوان وبكدا هتقدي تختاري الديكور المناسب اللي يعبر عن شخصيتكhttps://youtu.be/ZSUu47azghM