علشان اطلع مطبخ زي الصوره
السؤال إلى دائماً بيتسأل هو أنا ليه مطبخى مطلعش زى الصور الى بنشوفها في الصور
طيب اول حاجه عشان يطلع احلى من الصور كمان إن جمال المطبخ وشياكته معتمدة على التصميم والنص التانى على ديكور المطبخ
يعنى امتى أبتدى أعمل تصميم لمطبخى
الصح أن تصميم المطبخ يتعمل وهو على الطوب الاحمر عشان المصمم يقدر يتحكم فى توزيع الأجهزة بأفضل شكل يخدم المطبخ كوظيفه وشكل جمالى
طيب خلاص عملنا التصميم نعمل ايه بالنسبه للديكور!!!
أول حاجه لازم نهتم بيها هيا الإضاءة (ودى من أهم العوامل) فلازم نكون دارسين توزيع الإضاءة فى سقف المطبخ ولو هنعمل مخارج إضاءة لوحدات داخلها سبوت أو ليد تحت الوحدات السفليه أو ليد فى الوز فدة لازم يكون معمول حسابه .
ثانى حاجه المطبخ يبقى كله سيراميك!! ولا كله دهانات وبين الوحدات العلوى والارضى نعمل سيراميك أو رخام !!
محدش يقدر يقولك ايه الافضل عشان دى مسأله ازواق بس فيه الاحسن
يعنى انتى استخدامك للمطبخ كتير طول اليوم ومفيش شفاط قوى يسحب الدهون يبقى اعملى سيراميك بس خودى بالك فى اختيارك لشكل السيراميك إن كل ما كان شكله هادى ورقيق كل مكان أحلى وياريت يبقى لون واحد عشان ميحكمكيش فى اختيار الوان وحدات المطبخ
طيب انا مبحبش شكل السيراميك وعاوزة دهان بس خايفه الدهان يبوظ ومعرفش انظفه
اهم حاجه هنجيب شفاط قوى فوق البوتاجاز يشفط كل الدهون والبخار ومنها بنحمى الوحدات بتاعت المطبخ وبنحمى الدهانات وسهلتى على نفسك التنظيف فى كلتى الحالات
فالشفاط من أولويات اى مطبخ
واعملى المطبخ دهانات وانتى مطمنه واعملى بس الظاهر بين الوحدات بأى شكل سيراميك تحبيه أو رخامhttps://youtu.be/zu_OIR6fCLQ
تعليقات
إرسال تعليق