مشاكل النقاشه
مشاكل بتواجهك وانت في مرحله النقاشه
/
اولا السعر :
بالنسبه لمصنعيه النقاشه تعرفها ازاي
اضرب مساحه شقتك في رقم ٣ يعني لو شقتك ١٠٠ متر يبقي الإجمالي سقف وحيطان ٣٠٠ متر
بعد كده اضرب ف سعر المتر وسعر متر المصنعيه من ٢٥ ل ٣٠
دا لو شقتك لسه ع المحاره
ثانيا خطوات النقاشه
يفضل تبقي عارف الخطوات علي الاقل لما تيجي تتكلم مع الصنايعي تبقي عارف مراحله أو ايه ال هيعمله
تنضيف الحيطان كويس
وش سيلر مائي
٣ سكاكين معجون او اربعه
صنفره
بطانه وتلقيط
تشطيب
ثالثا شركات الدهانات
ف المعجون انا شخصيا ارشح معجون glc سواء اكريلك عشان اول. سكينه او دايتون عشان باقي مراحل المعجون
ف السيلر ارشح سايبس أو جيوتن
في بلاستيك التشطيب جيوتن أو سايبس
رابعا الالوان
مبدئيا موضوع الالوان سلس وجميل
كل ال عامل مشكله الالوان هي المسميات باعتها بس
بمعني
أن الفانليا لاتيه أو الميلك واي أو ايفوري أو كوتون بال
كل دي درجات الاوف وايت
كل ال عليك تحدد الخطوط العريضه ف الألوان الاول
بمعني
هعمل مثلا اوف وايت
ولا رمادي
وبعد كده روح المعرض اختار درجه من درجات الألوان دي
أو بينك أو كشمير أو تركواز .. ..الخ وبعد كده اختار من الكتالوج الدرجه ال هتناسبك
خامسا مشاكل الالوان
اكبر مشكله ممكن تواجهك ف الألوان الكمبيوتر
انك تشتري لون علي أساس أنه فاتح ولما يدهن تتفاجي أنه اغمق
عشان كده اعمل الآتي
اشتري كيلو من اللون ال عاجبك خاصه لو محتاج منه كميه كبيره
وجربه ف مساحه كويسه بلاش عينه صغيره واحكم ع العينه عجبتك كمل لقيتها غامقه ممكن تجيب منها نص صبغه
عشان يطلع افتح شوي
خامسا حجات تخلي بالك منها
لو عندك اسبوتات يبقي لازم لازم تشغلها قبل اخر وش عشان تظهر معاك العيوب
لو عندك سيراميك راكب أو ابواب متشطبه أو مفاتيح كهربا
يبقي كل دا يتغلف الاول قبل النقاشه
لو عندك ابواب هتتعمل استر يبقي الاستر يتشطب قبل اخر وشhttps://youtu.be/Pd1CVlg1cU8
تعليقات
إرسال تعليق